| |
منذ أيام هبط خبر إنو سمير بالطيب قال اللي سالم لبيض قريب من النهضة، وذلك لأنه رآه خارجا من مسجد وكان يصلي
الخبر هذا برتاجاتو كل الصفحات النهضوية أو المتعاطفة مع النهضة، وباش نعطيكم عينة صغيرة، وأكرر هذه عينة صغيرة فقط بعد البحث في قوقل
والكلهم يقولوا إنو سمير بالطيب قال الكلام هذا على أمواج إذاعة أكسجين أف أم
بل وتجاوز الأمر الفايسبوك ليقوم أحد القياديين في حركة الشعب بالرد على سمير بالطيب، معتمدا فقط على هذا الخبر الذي قرأه في الفايسبوك
لكن أي حد ينجم يكتب اللي يحب عليه، ولذا كأي تونسي يحترم عقله وضميره ولا يرجم الناس بالباطل وبالظن، مشيت لوجت في موقع أكسجين أف أم اللي هو في هذا الرابط
ما لقيتش حتى أثر لهذا التصريح، مع أنهم مستانسين ينشرو الحوارات، أيا قلت برا نتصل بيهم، فأجابوني أنهم لم يقوموا بأي حوار أصلا مع سمير بالطيب
يعني شفتوها الخوضة هذيكة الكل؟ من لا شيء وإنما فقط على إشاعة وعلى حوار موش موجود أصلا
السؤال هنا علاش يعملوا هكة؟
لأنها أسهل طريقة لتشويه الخصم، ما تناقشوش في أفكارو، ما تناقشوش في برامجو، وإنما أدخلوا من باب الإسلام ولصقلو أي إشاعة، وأتاو تسرح وحدها ويتشوّه كيما صار مع حكاية سمير بالطيب، وهذي موش أول مرة يعملوا هكة فدائما يشوهو الخصوم باعتماد الإشاعات سواء يجيبوها حرب على الإسلام وتبدا القطعان متاعهم مصدقتهم، سواء يجيبوها صهيونية، وهاو مثال آخر عن الصهيونية
بعض الصفحات النهضاوية نشرو اللي السبسي مشى هو والطيب البكوش وبن تيشة لإسرائيل في زيارة سرية، وركزولي بربي على كلمة "زيارة سريّة" ، وذلك وفق ما ذكرته صحيفة يديعوت أحرنوت في الصفحة الحادية عشرة، (وركزلي على كلمة "الصفحة الحادية عشرة") يعني زعمة زعمة تفاصيل لإضفاء نوع من المصداقيّة
وهاو كابتير داكرون
وبالطبع الحكاية ما فماش منها وإنما الصورة فوتوشوب، وهذا هو العدد الأصلي
وهنا رابط للي يحب يثبّت
-----------------------------
هذه مجرد عينة، باش ما نطولش عليكم، فتشويه الخصوم السياسيين عند النهضاويين فات بمراحل ما كان يفعله عبد العزيز الجريدي، وديما يجيبوها يا إما الخصوم السياسيين يحاربوا في الإسلام يا إما عندهم علاقات صهيونية، بينما الكلها إشاعات وكذب في كذب
أنا لا ألومهم هم، فربما يخلصوا على اللي يعملوا فيه، لكن ألوم على القطعان اللي تصدق كل ما ينشر على الفايسبوك دون أن تتحقق بنفسها من المصدر وتتأكد
وفي الأخير:
يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين
اقرأ أيضا:
<<القنوات التلفزية الاخبارية>>
Aucun commentaire:
Enregistrer un commentaire